Back from Singapore

感謝大家的關心，最新報告是手腕仍然發紫，直徑達6cm，但手部活動已經回復7成，只是要反開手掌的話仍然有困難，不過想起來發生這件事是昨天，而不是要回港的今日，自己一個人拿行李由酒店到屋企也沒有問題，實在是十分的感謝主。

新加坡，4天之後還是覺得，如果不是工作的關係，一定不會再去了，悶都算，最討厭的還是沒有特色，你又唔係西方國家，做乜嘢要樣樣嘢用英文，慘在又唔係講得好，講講吓又變做國語廣東話，和這個國家的風格一樣咁奇怪。

本來都不是喜歡吃，但也吃了兩遍海南雞飯，因為我實在太喜歡海南雞飯了，在地道的文東記吃了一次，在文華酒店又吃了一次，還是覺得後者比較好吃，可以選擇要雞脾，醬料的味道也較出色，不過加上馬來拉茶，要HK$150落樓，在新加坡來說真的很貴喇！

回程的飛機身旁坐了個印度中年男人，一上機便一輪咀撩我說話，又畀個email我，叫我去印度就搵佢(我留番畀你啦阿finn)，就算我打機和戴earphone看戲也不放過我，「What do you learn from the video game?」(吓...)「Nothing!」「So you play it just for fun?」(咁梗係啦，唔係坐飛機都要咁搏命呀...) 最慘就是他和新加坡人一樣，英文口音完全難以適應，每說一句我也又問「What?」，唉，落機嗰一刻，真係...感覺仲釋放過我由奧地利坐咗十幾個鐘頭機返嚟呀！