我同方力申踢波!!!

冇錯，方力申唔係重點，我「踢波」先係重點!!!
事緣本雜誌舉辦Futsal 3人室內足球活動，邀得方力申、Miki、吳日言等作賽，由於有女星的關係，我們亦需要派出女同事參賽，作為此team的唯一女同事，當然不能倖免，但係當知道自己要去踢波嗰陣，莫講話你哋，我自己都忍唔住爆笑。
未踢過波嘅我，估唔到第一次就眾目睽睽之下喺青衣城獻咗畀方力申！
嘩，方力申呢，真係好靚仔，最正係唔高，我最buy呢啲！(所以話做個矮嘅女仔有時都唔錯)
最勁嘅係我入咗一球囉！最後仲拎咗銀牌(得兩隊比賽-_-")，簡直係為我嘅運動史寫上光輝嘅一頁！

p.s. 嚟咗呢間公司，真係乜嘢古怪事都有可能發生呀！
p.s. 相片遲點補貼，或者睇吓聽日啲報紙啦-_-"