customer service

每天接無數個電話，大概只有20%是私事，其餘的不是PR，就是促銷的。
促銷的電話很擾人，但和那些客戶服務員對話，真是有趣得緊，以下是數個例子。

case 1：
「喂，梁小姐我係citibank姓歐架，為咗答謝你支持i.t.信用卡，我哋想送番個優惠畀你，唔知你而家得唔得閒呢？」
「(趕稿中)唔得喎。」
「咁你咩時間方便呢？」
「8點後丫。」
「8點後我收工喇喎。」
「......(乜原來係要我就番你嘅) 咁你星期五打嚟啦。」

第二個星期的星期五。
「喂，梁小姐，你係咪放緊假呀？」
「你係邊個？」
「我係citibank姓歐嘅，上星期三打過畀你，你叫我星期五打嚟，我諗住你放假丫嘛。」
「(諗多咗喇你)唔係呀，你講啦。」
「(下刪數千字關於醫療保險計劃)......」
「唔使喇，我諗我都係冇興趣。」
「梁小姐，其實醫療保險唔係為興趣。」
「(差點笑死)下，咁梗係啦！」
「買保險係講需要。」
「咁我冇需要，我本身有買保險。」
「咁你之前買保險都唔係為興趣，係為需要架嘛。」
「我唔想再同你講，拜拜。」
阿歐生，請問你係咪有語言障礙呢？

case 2：
「梁小姐，我哋係PCCW，為咗答謝你支持網上行服務，我哋會送1個月now.com同moov服務畀你。」
「(成日咁多人答謝我，不如畀cash我啦)我諗唔使喇，因為我用mac機，你哋唔support。」
「唔係喎，只要你上到網就用到。」
「唔係喎，你哋真係唔support mac機。」
「er...咁不如你試用moov丫。」
「moov都係唔support mac機架喎。」
「唔係喎，只要你上到網就用到。」
「(又係呢句？)真係用唔到呢。」
「er...你試過喇咩？」
「試過呀，不如你同番technical嗰邊同事了解番再打畀我喇。」

case 3：
「你知唔知我係邊個？」
「(痴線!)唔知。」
「我係阿哲呀。」
「邊個阿哲？」
「我係xxx(泰特)個小學同學呀。」
「哦。」
「佢有冇話畀你聽我而家做緊乜呀？」
「(唔慌好嘢)冇。」
「我喺宏利做之嘛。幾時得閒出嚟飲杯嘢？」
「唔得閒。」
收線之後馬上打給泰特丙了他一鑊，我知你對朋友好，但你不如對你女朋友好啲。

我明白，大家都係打份工，我都儘量好聲好氣對你，不過如果可以用下個腦，諗清楚customer service應該係點，我哋做客仔應該會開心好多。