回味我們昨夜的熱情，我信個世界無嘢難倒我！

＜T.O.N.I.C.K＞

作曲：Hangjai@ ToNick
填詞：Hangjai@ ToNick/林日曦/甄栢榮
編曲：ToNick
監製：ToNick

舊時讀書讀死 搏會考攞隻A
到會考取消張CERT攝喺茶几
第時買車買樓 買完就供到嘔
用條命供一個爛竇

世界要我做嘅嘢實在太多
唔跟就錯 錯錯錯我做我自己好過

傻得夠快活有貨 熱血錯又怕咩喎
我信個世界無嘢難倒我
就算傻 好過怨地怨天 匿喺屋企齋HEA白過
到最尾怕咩無結果 起碼我做過

戲棚夾Band好驚 無人但聽到聲
我哋喺鬼節唱歌畀先人聽
百零呎租個房 埲牆漏水嘅房
夾夾吓band火燭去備案

第日個孫問我係邊一個 我唔會O嘴無嘢講
阿爺我蠢過叻過戇居過 同三個廢柴夾過T-O-N-I-C-K!!!

傻得夠快活有貨 熱血搏命夠膽錯
我信個世界無嘢難倒我
就算傻好過怨地怨天 匿喺屋企齋HEA白過
到最尾怕咩無結果 我有乜錯

啱嘅故事太多 收聲我想將錯就錯
到最尾再睇吓最初 起碼我做過