PR與記者

做記者，每日接觸得最多的，除了是電腦和同事，就是PR。
PR與記者，職責上是互相倚賴的，我們需要PR提供的資訊、幫忙借機，PR需要記者達成客戶的要求，基本上如果相處得好的話，大家也有好處。而事實上，這兩年來也認識了不少PR，有的甚至我會當成朋友；不過令人把幾火的，為數也不少。
有些工作不交帶，答應你的事永遠不兌現；有些一開記招就打廿幾個電話畀你，問你到唔到；有些過分大細超，你是細書的話眼尾也不望你，大報紙的話甚麼馬屁也來拍；有些態度惡劣，令你懷疑所有記者是他／她的殺父仇人。
最近遇到最離譜的，先是N記的某PR，公私不分到出晒名，如果你唔係比較有型的男記者，sorry，她是不會跟你說話的，咁我生出嚟係女仔，就default要畀佢黑面，有機出唔搵你，press con你最好唔嚟，出trip是她溝仔的好機會，人神共憤，全行皆知。
想不到一山還有一山高。某電影公司PR仲勁，打畀佢，冇來電顯示唔聽，用自己手提唔聽，好，咁我拎編輯個電話打，佢就聽，勁！好，過多幾個鐘，再用呢招，佢連編輯電話都唔聽！大佬，我同你夾個大event聽日開始，萬九樣嘢問你，你咁唔鍾意聽電話連份工都唔好做囉好冇！
（呢間電影公司專門訓練垃圾PR，唔只呢個啦已經）

只係想講，大家都係打份工啫，可唔可以醒少少當幫忙呢？