老人愛攝影

上次公公去旅行，帶了我的數碼相機，影上癮。兩老將於三月歐遊，舊機壞了，提議我們兩姊弟送部新的給公公，當生日禮物。

婆：「最平一部幾多錢？」
我：「幾百蚊都有。」
婆：「買最平就得啦。」
公：「唔好，我唔要咁平。仲有，一定要有得即刻睇番嗰啲。」
我：「而家部部都有得睇啦（心諗：唔通送部lomo畀你咩）。」

新年前，買了一部價錢不是最平又輕巧又易用的Canon IXUS 105，早點送給他，讓他實習一下。本來我最支持水貨，又有相熟店舖做保養，但公公生平最討厭水貨（和翻版及一切他認為犯法的東西），唯有正正經經買部行貨。

讀書時代每次跟同學或朋友去旅行，公公總會私下「醒」我一千幾百元「買下嘢」，我們長大了，一定要好好報答。相比他們無微不至的照顧和無限的愛，我自愧不如。唯有略盡綿力，只要兩老開心，就好。